Վարորդների պակասի պատճառով թիվ 14 երթուղին կսպասարկվի սահմանափակ թվով մեքենաներով. Գյումրու քաղաքապետարան

«Գյումրու ավտոբուս» ՓԲԸ-ն տեղեկացնում է, որ քաղաքի թիվ 14 երթուղում ներկայումս շահագործվում է 4 մեքենա․

​ Առաջին մեքենան ուղեգիծ է դուրս գալիս ժամը 08:00-ին Սավոյան փողոցից, իսկ 08:05-ին՝ վերջնագծից («Մսի կոմբինատ» թաղամաս)։

Մեքենաներն աշխատում են 20-25 րոպե ինտերվալով։

Երթուղին գործում է մինչև ժամը 20:30-ը։

​ Գյումրու քաղաքապետարանը հայտնում է , որ երթուղու սպասարկումը քիչ թվով մեքենաներով և աշխատանքային ժամերի սահմանափակումը պայմանավորված է վարորդների համալրվածության խնդրով:

​ «Գյումրու ավտոբուս» ՓԲԸ-ին անհրաժեշտ է 36 վարորդ։

​Տնօրինությունը պատրաստակամ է ցուցաբերել ամեն տեսակի աջակցություն, որպեսզի վարորդներն ապահովված լինեն արդյունավետ աշխատանքային պայմաններով։

​

Ցանկացողները կարող են դիմել Գյումրու քաղաքապետարանի տրանսպորտի բաժին կամ «Գյումրու ավտոբուս» ՓԲԸ տնօրինություն։

​ Քաղաքապետարանի տրանսպորտի բաժնի և ՓԲԸ տնօրինության կողմից խիստ պահանջ է դրված։

Անկախ ուղևորների քանակից, վարորդները պարտավոր են սպասարկել ամբողջ ուղեգիծը։ Անթույլատրելի է գիծն անավարտ թողնելը, երթուղուց դուրս գալը կամ այն շրջանցելը։

​

Վարորդների նկատմամբ մոտեցումը լինելու է խիստ․ 2-րդ նկատողություն ստանալուց հետո վարորդն ազատվելու է աշխատանքից։

​ Քաղաքապետարանը հորդորում և խնդրում է քաղաքացիներին՝ երթուղին նորմալ չսպասարկելու կամ մեքենաները ժամանակից շուտ գծից հանելու դեպքում անմիջապես ահազանգել Գյումրու քաղաքապետարանի տրանսպորտի բաժնի թեժ գծին։

​ Թեժ գծի հեռախոսահամար՝ 093 23-41-57