Բացահայտիր Շիրակը- Պաղակն գյուղ
Պաղակնը Շիրակի մարզի Ամասիայի տարածաշրջանում տեղակայված ինքնատիպ բնակավայրերից է։ խաՊաղակն է վերանվանվել 1991 թվականի օգոստոսի 8-ին։
Գյուղն աչքի է ընկնում իր խիստ կլիմայական պայմաններով. այն համարվում է ոչ միայն Հայաստանի, այլև ողջ Կովկասի ամենասառը բնակավայրը։ Հունվարին միջին ջերմաստիճանը կազմում է -12.5 °C, իսկ արձանագրված նվազագույն ջերմաստիճանը հասնում է -46 °C-ի։ Բնակավայրը գտնվում է ծովի մակերևույթից 2040 մետր բարձրության վրա, ինչը նրան հաղորդում է բարձրլեռնային ու վճիտ մթնոլորտ։ 1989 թվականին ադրբեջանցիների հեռանալուց հետո գյուղում բնակություն են հաստատել Վրաստանի Ախալքալաքի և Նինոծմինդայի շրջաններից տեղափոխված հայերը։
Տեղի բնակչությունը հիմնականում զբաղվում է բանջարաբուծությամբ, ինչպես նաև կերային և հացահատիկային կուլտուրաների մշակությամբ։
Բնակվելով տարածաշրջանի ամենախիստ ու ցուրտ պայմաններում՝ տեղացիները աչքի են ընկնում անսասան տոկունությամբ և կամքի ուժով: Չնայած դրսի սառնամանիքին՝ ջավախքյան արմատներով այս մարդկանց օջախներում տիրում է անկեղծ, սրտաբաց հյուրընկալություն: Բարձրլեռնային դժվարին հողատարածքները մշակելն ու արդյունք ստանալը ձևավորել են նաև անխոնջ աշխատասիրություն, իսկ փոքրաթիվ բնակչությունն ու կլիմայական մարտահրավերները դարձել են ամուր համայնքային համախմբվածության ու միասնականության պատճառ:
Գյուղը գտնվում է Հայաստանի Շիրակի մարզի Ամասիայի համայնքում՝ Բերդաշեն գյուղից 1 կմ հյուսիս, Ամասիայից 14 կմ հյուսիս-արևմուտք՝ Արփի լճի ջրամբարի արևելյան ափին։
Կոորդինատներ 41°3′49″N 43°39′21″E