Ճանաչենք Շիրակի մարզի մեծերին - Խաչիկ (Ռազմիկ) Բաղալյան
· Գյումրի
Խաչիկ (Ռազմիկ) Արմենակի Բաղալյանը ծնվել է 1940 թվականի հուլիսի 28-ին Լենինականում (այժմ՝ Գյումրի, Հայկական ԽՍՀ, ԽՍՀՄ)։
Նա հայ հայտնի դերասան էր, ով 2015 թվականին արժանացել է ՀՀ ժողովրդական արտիստի կոչմանը, իսկ 1989 թվականին՝ ՀԽՍՀ վաստակավոր արտիստի կոչմանը: Ունեցել է ԽՍՀՄ և Հայաստանի քաղաքացիություն:
Կրթությունը ստացել է 1960-1962 թվականներին՝ սովորելով Լենինականի Մռավյանի անվան պետական դրամատիկական թատրոնի դերասանական ստուդիայում: 1962 թվականից աշխատել է որպես Գյումրու Վարդան Աճեմյանի անվան պետական դրամատիկական թատրոնի դերասան, իսկ 1989-1995 թվականներին ստեղծագործել է Երևանի Գաբրիել Սունդուկյանի անվան ազգային ակադեմիական թատրոնում: Խորհրդային տարիներին ղեկավարել է մի շարք ինքնագործ խմբեր և ներկայացումներով հանդես եկել համամիութենական տարբեր փառատոններում՝ արժանանալով դափնեկրի կոչման: Իր ստեղծագործական գործունեության ընթացքում մարմնավորել է 100-ից ավելի դերեր:
Թատերական գործունեության ընթացքում խաղացել է հետևյալ հայտնի ներկայացումներում և դերերում.
Ալեքսանդր Շիրվանզադե՝ «Չար ոգի» - Մուրադ
Նիկոլայ Գոգոլ՝ «Ռևիզորը» - Խլեստակով
Հակոբ Պարոնյան՝ «Շողոքորթը» - Թադե
Երվանդ Օտյան՝ «Խնդանք անցնինք» - Սիսակ
Գաբրիել Սունդուկյան՝ «Խաթաբալա» - Իսայի
Գաբրիել Սունդուկյան՝ «Քանդած օջախ» - Գիժ
Մոգի Ի. Դրուգե՝ «Սրբություն Սրբոց» - Կելի
Ալեքսանդր Օստրովսկի՝ «Անտառը» - Պյոտր
Ուիլյամ Շեքսպիր՝ «Տիտոս Անդրոնիկոս» - Մեծ որդի
Ժիրայր Անանյան՝ «Իմ տունը քո տունը չե» - Սերոբ
Բերտոլդ Բրեխտ՝ «Կուրաժ մայրիկը» - Ալիֆ
Վիլյամ Սարոյան՝ «Մի գնա բարկացած» - Քառակուսի
Դյուրենդմաթ՝ «Հերակլեսի չիրագործված սխրանքը» - Ավգիաս արքա
Պերճ Զեյթունցյան՝ «Անավարտ մենախոսություն» - Համո
Թ. Ուիլյամս՝ «Ապակե գազանանոց» - Թոմ
Գ. Սարգսյան՝ «Մեսրոպ Մաշտոց» - Մեսրոպ Մաշտոց
Բացի ՀԽՍՀ վաստակավոր (1989) և ՀՀ ժողովրդական (2015) արտիստի կոչումներից, արժանացել է հետևյալ պարգևներին ու մեדալներին.
Մովսես Խորենացու մեդալ (2009)
ՀԹԳՄ Ոսկե մեդալ (2013)
Մահացել 2025 թվականի նոյեմբերի 16-ին Գյումրի քաղաքում, 85 տարեկան հասակում: