Գյումրիում երեկոյան ժամերին հնարավոր են լուսավորության անջատումներ. Գյումրու քաղաքապետարան
· Գյումրի
Գյումրիում երեկոյան ժամերին հնարավոր են գիշերային լուսավորության անջատումներ․ քաղաքապետարանի հայտարարությունը
Գյումրու քաղաքապետարանից տեղեկացնում են, որ առաջիկա օրերին քաղաքում՝ երեկոյան ժամերին (մինչև 23:00-ն), հնարավոր են գիշերային լուսավորության ժամանակավոր անջատումներ։
Լուսավորության սահմանափակումները պայմանավորված են Գյումրիում ընթացող գեղարվեստական ֆիլմի նկարահանումներով։ Կինոնկարը պատմում է 1918-1920 թվականների Գյումրու (Ալեքսանդրապոլի) կյանքի, պատմական անցուդարձի և հին քաղաքի մթնոլորտի մասին, ինչն էլ պահանջում է համապատասխան տեսարանների ապահովում:
Գյումրու քաղաքապետարանը հայցում է քաղաքացիների ներողամտությունը՝ պատճառված ժամանակավոր անհանգստության համար և հավելում, որ առաջիկայում ևս հնարավոր են նմանատիպ անջատումներ, որոնց մասին կտրվի լրացուցիչ տեղեկատվություն։