Աշոցքի երեք բնակիչ պարգևատրվել է «ՀՀ զինված ուժերի 20 տարի» հոբելյանական մեդալով. Աշոցքի համայնքապետարան
· Աշոցք
ՀՀ պաշտպանության նախարարության կողմից Աշոցք համայնքի բնակիչներ Ռաֆայել Վահանի Դիլանյանը, Հայկ Անդրանիկի Մուրադյանը և Անդրանիկ Զիոսի Մելիքյանը պարգևատրվել են «ՀՀ ԶԻՆՎԱԾ ՈՒԺԵՐԻ 20 ՏԱՐԻ » հոբելյանական մեդալներով՝ հայրենիքին մատուցած ծառայությունների համար։
Պարգևները հանձնել է ԵԿՄ Շիրակի մարզային խորհրդի նախագահ Արմեն Խաչատրյանը։
Պարգևատրվածներին և հյուրերին ընդունել է Աշոցք համայնքի ղեկավար Կարեն Մանուկյանը։
Հանդիպման ընթացքում համայնքի ղեկավարը շնորհավորել է պարգևատրված բնակիչներին՝ ընդգծելով նրանց վաստակի, նվիրվածության և հայրենանվեր գործունեության կարևորությունը։
Համայնքի ղեկավարը շեշտել է, որ բարձր է գնահատում աշոցքցիների ներդրումը հայրենիքի պաշտպանության և պետության ամրապնդման գործում: