Ճանաչենք Շիրակի մարզի տաղանդներին - Ֆրեդ Աֆրիկյան
· Արթիկ
Ֆրեդ Գուրգենի Աֆրիկյանը ծնվել է 1937 թ-ի մարտի 25-ին Արթիկում։
Նա հայ նշանավոր ճարտարապետ, նկարիչ-ձևավորող և տառաստեղծ է, եղել է Հայաստանի ճարտարապետների միության անդամ:
1955-1961 թվականներին սովորել է Երևանի պոլիտեխնիկական ինստիտուտի ճարտարապետական բաժնում: 1961-2003 թվականներին աշխատել է «Հայնախագիծ» նախագծային ինստիտուտում՝ նախ որպես ճարտարապետ, ապա՝ նախագծի գլխավոր ճարտարապետ: 1963 թվականից եղել է Հայաստանի ճարտարապետների միության անդամ:
Ֆրեդ Աֆրիկյանը մեծ ներդրում ունի հայ տառարվեստի և գրքերի գեղարվեստական ձևավորումների ասպարեզում: 1984 թվականին լույս է տեսել նրա «Տառարվեստ» ալբոմը՝ 150 հեղինակային տառատեսակներով, իսկ 2011 թվականին՝ «Հայ Գիր» ալբոմը՝ նոր 200 տառատեսակներով:
Նա նաև ճարտարապետ Աննա Ալոյանի ամուսինն է, նկարչուհի Մանո Աֆրիկյանի հայրը:
1984 թվականին Աֆրիկյանի հեղինակությամբ հրատարակվել է «Տառարվեստ» ալբոմը, որը պարունակում է 120 հայկական գեղարվեստական տառատեսակ, իսկ 2011 թվականին հրատարակվել է նրա դասական և կանոնակարգ համակարգերի հայկական տպագրական տառատեսակների 200 շրիֆտներ պարունակող «Հայգիր» կատալոգը: Գեղարվեստորեն ձևավորել է շուրջ 400 գիրք, որից չորսը իր հեղինակած բանաստեղծությունների՝ «Պոեմ էակի», «Օրհներգումն արեգական», «Մարդ միսթիկական», «Աֆորիզմներ» ժողովածուներն են:
Ֆրեդ Աֆրիկյանն իրականացրել է հետևյալ հեղինակային նախագծերը․
. Լենինականի Արագած փողոցի բնակելի տներ և դրանց կառուցապատում
. Լենինականի տեքստիլ կոմբինատի վարչական շենք
. Լենինականի ծածկած շուկա
. Ծաղկաձորի պիոներ ճամբար
. Իջևանի պիոներ ճամբար
. Մեծամորի մշակույթի պալատ
. Կամոյի մշակույթի պալատ
. Մասիսի գեղագիտության կտրոն
Աբովյանի ստորգետնյա երկդահլիճ կինոթատրոն
. Ապարանի մայրուղուն առընթեր Հայաստանում գրերի գյուտի 1500 ամյակին նվիրված «Հայոց այբուբենի հուշարձան»
Հեղինակ է կառավարական երեք մեդալների՝
«Մարտական ծառայության համար»
«Արիության համար»
«Հայրենիքին մատուցած ծառայությունների համար»
Հեղինակային գրքերն են՝
«Տառարվեստ, Հայկական գեղարվեստական տառատեսակների 120 տախտակ։ «Սովետական գրող», 1984»
«Հայկական նոր տպագրական տառատեսակների «ՀԱՅԳԻՐ» կատալոգը, 2011 (200 տառատեսակ)»
«Աֆորիզմներ», 1995
«Պոեմ էակի», 2000 և այլն։
Արժանացել է մի շարք մրցանակների՝
ՀՀ մշակույթի նախարարության ոսկե մեդալ, 2012
«Հայ գրի» կատալոգի ձևավորում, 3-րդ մրցանակ, 2013
Մրցանակ աղետի գոտում բնակելի մեինաստների նախագծերի համար
Ազգային ժողովի նիստերի դահլիճ, 2-րդ մրցանակ, 1995
Սպիտակի երկրաշարժի հուշարձան, 2-րդ մրցանակ, 1990։
Մահացել է 2018 թ-ի հոկտեմբերի 13-ին։