ԲԸՏՄ-ն Շիրակում կասեցրել է բետոնահանգույցի շահագործում
Բնապահպանության և ընդերքի տեսչական մարմնի աշխատակիցները Շիրակի մարզում արձանագրել են մթնոլորտային օդի պահպանության ոլորտի օրենսդրական պահանջների խախտում։
Շիրակի մարզի Բավրա գյուղի վարչական տարածքում բեռնափոխադրմամբ, մանրամեծածախ առևտրով, քաղաքաշինությամբ զբաղվող «ԱԼՄԻ» ՍՊԸ-ի կողմից կառուցվող կրթահամալիրի շինհրապարակում ապօրինի շահագործվել է բետոնահանգույց՝ առանց անշարժ աղբյուրներից վնասակար նյութեր մթնոլորտային օդ արտանետման թույլտվության։
Տեսչական մարմնի տարածքային բաժնի պետի որոշումով`բետոնահանգույցի ապօրինի շահագործումը կասեցվել է։
Ընկերության տնօրենի նկատմամբ նշանակվել է վարչական տուգանքներ՝ ընդհանուր 980.000 դրամի չափով։