Աղինի մոտ 6 կյանք խլած վթարից տուժած կնոջ գիտակցությունը մթագնած է, միացված է արհեստական շնչառական ապարատին
Շիրակի մարզի Աղին բնակավայրի տարածքում տեղի ունեցած խոշոր ավտովթարից տուժած կնոջ առողջական վիճակը շարունակում է մնալ ծայրահեղ ծանր, նրա գիտակցությունը մթագնած է, միացված է արհեստական շնչառական ապարատին։ Այս մասին հայտնեցին Առողջապահության նախարարությունից:
Տուժած երեք երեխաներից երկուսի առողջական վիճակում արձանագրվել է աննշան դրական տեղաշարժ, սակայն բժիշկները նրանց վիճակը դեռևս գնահատում են ծանր։ Իսկ մեկ տարեկան փոքրիկի վիճակը շարունակում է մնալ ծայրահեղ ծանր։