Բացահայտիր Շիրակը-Մեղրաշենի ամրոց
Հայաստանի պատմական հարուստ անցյալի ու մշակութային ժառանգության մասին են վկայում մեր երկրի տարբեր անկյուններում թաքնված հնամենի բնակավայրերը, որոնցից մեկը Շիրակի մարզի Մեղրաշեն գյուղն է։
Գյուղի տարածքում պահպանվել է մեր թվարկությունից առաջ 3-2-րդ հազարամյակներով թվագրվող հնագույն ամրոց, որը վկայում է տարածաշրջանի վաղեմի բնակեցման և ռազմավարական նշանակության մասին։
Ամրոցը կառուցված է բնական բարձրադիր ու ժայռոտ տեղանքի վրա, ինչը լրացուցիչ պաշտպանական առավելություն է տվել կառույցին։
Պատերի հիմնական հատվածները շարված են տեղական հսկայական, անմշակ ու կոպտատաշ քարերով (կիկլոպյան շարվածքի սկզբունքով), որոնք դարերի ընթացքում ենթարկվել են բնական հողմահարման։
Այսօր պահպանվել են հզոր պարսպապատերի ստորին շարքերը և քարե փլատակները, որոնք սփռված են բլրի լանջով մեկ։
Ամրոցի տարածքը հիանալի դիտակետ է եղել շրջակա հովիտներն ու ճանապարհները հսկելու համար։
Տեղի ավանդական արհեստների և կենցաղի մասին է փաստում տարածքում գտնվող 19-րդ դարի պատմական ձիթհանը։
Տեղակայումը. Հայաստան, Շիրակի մարզ, Արթիկի տարածաշրջան, մարզկենտրոն Գյումրիից 15 կմ հարավ-արևելք։
Կոորդինատները՝ 40°40'33"N 43°56'55"E
Լուսանկարը `Հուշարձանների պահպանության Շիրակի մարզային ծառայության