Գտաշենում մեկնարկել է երկար սպասված գազաֆիկացման ծրագիրը. Ամասիա համայնք

Սուբվենցիոն ծրագրի շրջանակներում իրականացվում է Ամասիա համայնքի Գտաշեն բնակավայրի գազաֆիկացման ծրագիրը:

Սահմանամերձ գյուղը երբևէ գազաֆիկացված չի եղել,այժմ իրականացվում է դեպի գյուղ տանող մայր գազատարի անցկացման,հենասյուների տեղադրման ու զոդման աշխատանքերը:

Շին ընկերությունների ներկայացուցիչների հետ շինարարության ընթացքին են հետևել Ամասիա համայնքի ղեկավար Ջեմմա Հարությունյանը,համայնքի ղեկավարի առաջին տեղակալ Արտավազդ Ղուկասյանն ու աշխատակազմի քարտուղար Սամվել Էգնատոսյանը:

Ծրագրի ընդհանուր արժեքը 69 մլն 100 հազար դրամ է,որից համայնքի ներդրումը կազմում է 40 %:

Գազատարի ընդհանուր երկարությունը 2 կմ 200 մետր է: Առաջին փուլի ավարտից հետո ծրագրի շահառու կարող են դառնալ 54,իսկ 2027 թվականին՝ ևս 24 ընտանիքներ:

Գազատարի անցկացման աշխատանքներն համատեղ իրականացնում են «Վալ-Արտ»,«ԱՐՏ ՊԼԱՍ»,«ՊՐԵՄԻՈՒՄՇԻՆ» ՍՊ ընկերությունները:

Ամասիա համայնք